Ψαλμός 90, ένα πανίσχυρο όπλο!
Αἴνος ὠδῆς τῷ Δαυΐδ.
Ο ΚΑΤΟΙΚΩΝ ἐν βοηθεία τοῦ Ὑψίστου, ἐν σκέπη τοῦ Θεοῦ τοῦ οὐρανοῦ αὐλισθήσεται.
2 ἐρεῖ τῷ Κυρίω· ἀντιλήπτωρ μου εἰ καί καταφυγή μου, ὁ Θεός μου, καί ἐλπιῶ ἔπ αὐτόν, 3 ὅτι αὐτός ρύσεται σέ ἐκ παγίδος
θηρευτῶν καί ἀπό λόγου ταραχώδους. 4 ἐν τοῖς μεταφρένοις αὐτοῦ ἐπισκιάσει σοῖ,
καί ὑπό τάς πτέρυγας αὐτοῦ ἐλπιεῖς· ὄπλω κυκλώσει σέ ἡ ἀλήθεια αὐτοῦ. 5 οὐ
φοβηθήση ἀπό φόβου νυκτερινοῦ, ἀπό βέλους πετομένου ἡμέρας, 6 ἀπό πράγματος ἐν
σκότει διαπορευομένου, ἀπό συμπτώματος καί δαιμονίου μεσημβρινοῦ. 7 πεσεῖται ἐκ
τοῦ κλίτους σου χιλιάς καί μυριάς ἐκ δεξιῶν σου, πρός σέ δέ οὐκ ἐγγιεῖ· 8 πλήν
τοῖς ὀφθαλμοῖς σου κατανοήσεις καί ἀνταπόδοσιν ἁμαρτωλῶν ὄψει. 9 ὅτι σύ,
Κύριε, ἡ ἐλπίς μου· τόν ΄Ὕψιστον ἔθου καταφυγήν σου. 10 οὐ προσελεύσεται πρός
σέ κακά, καί μάστιξ οὐκ ἐγγιεῖ ἐν τῷ σκηνώματί σου. 11 ὅτι τοῖς ἀγγέλοις αὐτοῦ ἐντελεῖται
περί σου τοῦ διαφυλάξαι σέ ἐν πάσαις ταῖς ὀδοίς σου· 12 ἐπί χειρῶν ἀρούσι σέ,
μήποτε προσκόψης πρός λίθον τόν πόδα σου· 13 ἐπί ἀσπίδα καί βασιλίσκον ἐπιβήση
καί καταπατήσεις λέοντα καί δράκοντα. 14 ὅτι ἔπ
ἐμέ ἤλπισε, καί ρύσομαι αὐτόν· σκεπάσω αὐτόν, ὅτι ἔγνω τό ὄνομά μου. 15
κεκράξεται πρός μέ, καί ἐπακούσομαι αὐτοῦ, μέτ
αὐτοῦ εἰμι ἐν θλίψει· ἐξελοῦμαι αὐτόν, καί δοξάσω αὐτόν. 16 μακρότητα ἡμερῶν
ἐμπλήσω αὐτόν καί δείξω αὐτῶ τό σωτήριόν μου.
